自從返新工之後, 一直都無update呢個blog, 今日就等朕講下新公司既野啦.
唔計頭兩日training, 其餘八日都係返早更, 即係朝八晚八. 由於公司位置較為遙遠, 所以日日都要五點半起身, 夜晚食完飯返到屋企, 最早都九點九. 跟住刷牙沖涼, 上一陣網又話要訓覺, 然後第二朝又再五點半起身.
先講講唔好既感覺先, 我平時做野既工場出面有一格男廁一格女廁, 聽講最初真係分開男女黎用, 但用用下已經一齊用, 就因為咁, 兩個廁所都變得好臭. 臭唔係因為d人整到成地尿, 而係因為女仕既姨媽巾用完之後就咁掉落垃圾桶, 個垃圾桶又無蓋喎, 加上廁所無抽氣系統, 所以就非常之臭. 另外, 我平時食開既員工飯堂, d野又貴又少款式, 食左十幾日已經食厭左啦, 我諗下星期返夜要自己帶飯.
至於好既感覺, 就係每晚放工既時候, 亦即係夜晚八點, 天色已經黑晒, 走去交更時都會經過一個大空地, 空地旁邊間中會有d兩層高既建築物. 此時此刻就好似返番去十幾歲時去宿營去露營一樣, 氣氛非常之好. 自於工作方面, 似乎讀書時所學既野, 終於有機會用番出黎, 而且亦有我想學既野, 所以我一定會努力快d學晒d野既.
