尋日, 朕同埋老婆一齊去迪士尼玩, 由於今年四月份係小熊維尼一個特別日子, 所以要o係五月前去一次.

雖然朕已經叫老母早d煮飯, 但食完飯去到迪士尼都已經三點幾, 好彩都仲睇到parade同影左d相. 睇完parade之後就急急腳去到the many adventures of Winnie the pooh前面影相, 不過太多人行黎行去, 所以要等一陣先影到. 之後當朕經過golden mickeys時見到差不多夠鐘做show, d人亦開始入場, 朕當然唔執輸走入去睇埋一份. 真係估唔到咁精彩, 同獅子王慶典相比, 真係有過之而無不及, 未睇過既朋友真係應該去睇睇.

睇完show又影左一陣相之後, 朕去到philharmagic睇3D劇場, 雖然係短少少, 但真係幾正. 見到有d戇鳩人士伸對手出黎以為可以摸到d野, 攪到朕好似傻佬咁一條友o係度偷笑. 睇完戲之後, 去到探險世界行左一個圈, 本來想坐船仔同埋去泰山樹屋, 不過又係好多人排隊, 所以放棄.

但今次我就鼓起勇氣走到space mountain, 決心要試一試. 我並唔係驚space mountain恐唔恐怖, 而係怕得自己一條友玩好戇鳩. 玩後覺得不過不失啦, 因為一早已經知道唔恐怖. 反而我想去pooh度玩下, 不過一條友玩pooh真係超戇鳩, 所以最終都係無玩.

玩完之後又係四圍影相, 坐下火車, 然後返屋企食飯, 煙花留番下次先睇.

玩後感: 雖然香港迪士尼係比較細, 飛亦較海洋公園貴, 但當睇過迪士尼既show之後, 真係可以講係物有所值. 既然有心花錢去玩, 證明大家都鐘意迪士尼, 希望各位能夠愛惜樂園內所有設施.

睇parade時所影既綠兵 

小熊維尼80歲生日