第一次睇世界杯, 係1990年既八強賽事: 阿根廷對南斯拉夫.

當晚天氣好凍, 其實天氣凍, 係婆婆屋企d冷氣開得太勁. 唔好話以前, 其實到左而家, 我都唔係好識睇波. 當晚覺得場波都幾悶, 加上自己一向都對足球無興趣, 只係我大舅父睇, 我同家姐都順便睇睇. 綜合左兩個多小時, 得出一個結論, 就係哥高查件波衫好靚.
回家後, 過了數天, 四強賽事: 阿根廷對意大利. 無野做, 咪又睇下囉, 點知又係踢左兩個幾鐘. 到總決賽: 阿根廷對西德, 無理由唔睇埋o者!? 當日, 我仲打機預測個賽果, 但唔記得邊隊贏lu. (當時仲係打紅白機, 隻game無國家隊既, 只係我當一隊係阿根廷, 一隊係西德o者. 其實今時今日, 我都會用打機去預測賽果.)好可能係先入為主關係, 我只係想阿根廷贏. 但結果, 阿根廷被罰十二碼, 哥高查雖然足到路, 但係都救唔到個波. 就係咁, 西德就1比0戰勝我隊阿根廷.