世界杯對於男人黎講, 我相信絕對比聖誕節更加普天同慶, 但上次世界杯開始,一d仆街電視台為左賺錢, 買鬼左個轉播權, 就攪到我呢d窮人無得睇呢個四年一次既盛事.
雖然上次中國能夠殺入決賽週, 照計香港都應該可以免費睇, 但唔知係咪一國兩制關係, 最後仆街有線都能夠得逞, 實行無錢無得睇計劃, 只係將一d開幕, 閉幕重要賽事交比免費電視台播下, 又或者乜鬼大球場睇大電視, 就當係對香港人一個交待. 我相信當時除左我呢d窮人無得睇之外, 亦有一d有錢人住得較遠地方, 未能得到有線電視提供安裝而成為世界杯犧牲者, 當然有錢佬有第二條路行, 就係買隻大鑊睇衛星電視啦.而今次世界杯亦都一樣, 香港只得有線擁有獨家播影權, 如果要睇無線亞視, 要等數小時後既精華重播.
阿根廷對塞黑一戰, 由於要返工關係, 當然無得睇啦, 好彩我家姐屋企有有線, 我叫佢每有入球就打電話比我, 結果當晚我收到好多電話, 全部都係好消息. 佢仲同我講阿根廷入第二球好精彩, 返到屋企一定要睇精華重播. 到我凌晨兩點食飯時, 無線話朝早七點半精華重播. 天呀, 我仲未收工, 即係又無得睇. 我只可以錄夜晚既精華, 但有誰知道朝早做左, 夜晚就唔撚做咩. 結果我第二日收工返到屋企搵餅錄影帶搵極都搵唔到, 估唔到正場無得睇, 連精華都無撚得睇, 平時屋企唔多講粗口既我都不停屌鬼. 最後要上網睇一d都幾清楚既入球片段.
今次世界杯, 最值得高興既就係有一d大型商場提供地方比球迷睇波, 同埋有一d類似pplive既軟件出現, 令到不少窮人或者唔想向有線屈服既人提供一個睇波既平台, 唔駛比有線搵咁多錢.
順帶一提, 謝皇上發夢夢見阿根廷第一, 意大利第二, 各位想發橫財不妨賭一賭身家.
