無疑, 阿根廷是屬於我的.

阿根廷輸了. 可能人大左, 無以前細個時咁傷心, 個心一直都好平靜. 不過受到一d所謂同事既幸災樂禍, 真係想屌鳩佢個老母. 我覺得, 如果阿根廷去到總決賽先輸, 咁樣可能我會好傷心, 覺得好唔抵, 因為只差一步. 而家距離冠軍仲遠, 實在無乜所謂, 係我心目中, 今年阿根廷實力非常之強, 如果要加時先可以贏的話, 其實已經輸左. 得唔到冠軍, 只係比世人記得世界上只有把戲, 一d膚淺既人會覺得阿根廷永遠輸比把戲. 亦都會比人歧視佢地既膚色, 只因為佢地唔係白人, 亦唔係球技高超既把戲人. 就有如美國白人歧視黑人, 但永遠都好鐘意NBA黑人球星一樣.

我認為阿根廷強, 係因為隊中擁有多位高質球員, 例如RIQUELME, TEVEZ及MESSI等. 每位都要有兩個敵方球員釘住既本錢. 但估唔到Maxi RODRIGUEZ都十分利害, 門將ABBONDANZIERI亦令人從未試過咁放心.

其實教練PEKERMAN亦都相當唔錯, 除左國家隊成員早已係佢既徒弟之外, 訓練方面亦都幾特別. 佢試過將所有球員位置調亂, 守門員去踢前鋒位置, 前鋒則走去守龍, 令到球員更加清楚點樣去入球/接球. 而且佢會按照球員特性, 踢一個最適合自己既位置, 提供最大空間比球員. 不過, 佢招入CRUZ實在令我非常不滿, 我覺得CRUZ呢個老撚樣只係得個高字, 雖然佢係國米係最佳射手, 但唔代表佢有料可以做CRESPO替補, 亦唔代表23人當中要有兩個CRESPO性質既球員, 若果要用作練波的話, 亦都有U20既隊員. 唔帶AGUERO去德國見識一下, 實在令我憤怒.

輸比德國一仗, ABBONDANZIERI受傷後, 被迫換入後備門將, 為左增強防守能力, 再換入CAMBIASSO亦都唔出奇. 但要換出RIQUELME實在係一大錯事, 教練實在唔記得上次對英國佬友誼波, 換走RIQUELME之後就比奧雲短短幾分鐘連入兩球. 而且之後再用CRUZ換走CRESPO, 會唔會換入MESSI或者SAVIOLA會更加好呢?